Nga Vendi
24 gusht 2020
Katër viktima dhe 78 raste të reja me Covid-19, shërohen 40 pacientë

Ministria e Shëndetësisë raportoi të hënën për 4 pacientë të vdekur dhe 78 të infektuar me koronavirusin e ri brenda 24 orëve.

Rastet e reja të të infektuarve dalin pas testimit të 860 mostrave. Më shumë raste të reja janë regjistruar në Shkup-28, Kumanovë-5, Dibër-4, Prilep-8, Tetovë-4, Manastir-1, Ohër-1, Kavadar-2, Gostivar-8, Radovish-1, Koçani-2, Probishtip-1, Makedonski Brod -1, Berovë-4, Delçevë-3, Kërçovë-3, Negotinë-2.

Brenda 24 orëve kanë ndërruar jetë katër persona, dy pacientë nga Gostivari të moshës 71 dhe 82 vjeçe dhe një pacient 73-vjeçar nga Tetova. Dy prej të cilëve kanë ndërruar jetë në kushte spitalore. Një pacient 68-vjeçar nga Kumanova gjithashtu ka ndërruar jetë pasi është pranuar në Klinikën e Sëmundjeve Infektive pa akcion kardiak, dhe pas përpjekjeve për reanimim, është konstatuar vdekja e tij .

Instituti i Shëndetit Publik brenda 24 orëve ka regjistruar 40 pacientë të shëruar.

Sipas të dhënave të fundit, numri i personave të vdekur me sëmundjen Covid-19 ka arritur në 568.

Që nga fillimi i pandemisë, në vendin tonë me Covid-19 jani diagnostikuar gjithsej 13,673 persona.

Prej tyre, 10,150 pacientë janë shëruar.

Ndërkaq, numri i rasteve aktive është 2,995.



Të ndryshme
Më shumë
Zaev: Në prill do të ketë regjistrim të popullsisë15 tetor 2020
Gjykata Administrativ sot shqyrton ankesat e VMRO-DPMNE-së24 korrik 2020
Maqedoni:163 raste të reja covid 69 të shëruar21 korrik 2020