Sport
31 gusht 2020
Zyrtare: Immobile nënshkruan kontratë pesëvjeçare me Lazion

Ciro Immobile ka nënshkruar kontratë të re me Lazion, e cila do ta mbajë atë në kryeqytetin italian deri në verën e vitit 2025.

Lazio njoftoi se përfaqësuesi i Italisë ka vendosur t’ia përkushtojë të ardhmen asaj, duke nënshkruar marrëveshje pesëvjeçare.

“Lajmi i sotëm është se Ciro Immobile i është përkushtuar Lazios për edhe pesë vjet, deri më 2025”, thuhet në një njoftim të Lazios.

Immobile e fitoi Këpucën e Artë në Evropë sezonin e kaluar, duke i mposhtur në garë Robert Lewandowskin e Bayern Munich dhe Cristiano Ronaldon e Juventusit.

Ai e shënoi 36 gola në 37 ndeshje në Serie A sezonin e fundit. Në total, Immobile i ka shënuar 125 gola në 178 ndeshje për Lazios, të cilës iu bashkua më 2016.

Ai do t’i fitojë 4 milionë euro në vit në Lazio.

 



Të ndryshme
Më shumë
Ndotja e ajrit më e madhe gjatë mbrëmjes28 tetor 2020
Mickoski: Nëse Zaevi do t’i përkulet Bullgarisë, atëherë do t’i ndodhë populli14 nntor 2020
Shqipëri: Regjistrohen 82 raste të reja dhe një viktimë nga COVID-1919 korrik 2020