Nga Rajoni
27 dhjetor 2020
LVV: Jemi gati për referendumin që do të ndodhë në këto zgjedhje

Lëvizja Vetëvendosje ka mbajtur mbledhje me qendrat e saj, në të cilën morën pjesë kryetari i Lëvizjes, Albin Kurti.

Kjo u bë e ditur përmes një komunikate për media.

Siç njoftohet, në pjesën e parë të mbledhjes, kryetari Kurti foli rreth zhvillimeve të fundit politike, me theks të veçantë krijimin e rrethanave drejt zgjedhjeve të parakohshme parlamentare.

Teksa pritet vendimi zyrtar i Gjykatës Kushtetuese, LVV kërkon që data e mbajtjes së zgjedhjeve të jetë më e afërta e mundshme.

“Në këtë takim po ashtu u fol edhe për rëndësinë e madhe që ka mërgata jonë. Shteti i Kosovës, përmes institucioneve kompetente, duhet ta bëjë sa më të lehtë mundësinë e votimit nga mërgata, e jo t’ua vështirësojë një gjë të tillë, siç është bërë në të kaluarën”, thuhet në komunikatë.

“Viti 2020, përkundër vështirësive që ka patur për shkak të pandemisë e zhvillimeve të tjera në vendin tonë, cilësohet si i suksesshëm organizativisht për organizatën tonë. Në këtë vit, përmes procesit të brendshëm zgjedhor, kemi arritur të konsolidojmë një pjesë të madhe të strukturave tona organizative, teksa vitin po e përmbyllim me rreth 10 mijë anëtarësime të reja e me fitoret plebishitare në komunën e Besianës dhe në veriun e Mitrovicës”.

“Lëvizja dhe strukturat e saj organizative janë gati për referendumin që do të ndodhë në këto zgjedhje. Ndryshimi aq shumë i nevojshëm dhe i kërkuar nga populli, nuk ka asnjë arsye të mos lejohet që të ndodhë”, thuhet në fund.



Të ndryshme
Më shumë
Grubi: Unë personalisht jam për hapjen e kufijve me Kosovën dhe jo vetëm10 shtator 2020
Florin Besimi: Nuk do të lejojmë që grupet e ndjeshme të margjinalizohen, çdo qytetar ka vlerë! 3 korrik 2020
Dua dhe Rita u bashkohen kolegëve, kërkojnë ndihmë ekonomike nga qeveria britanike 4 korrik 2020