Nga Rajoni
14 shtator 2021
Merkel kërkoi karrige gjatë momentit të himnit, ja arsyeja, Serbia merr vendimin për takimin

Kancelarja gjermane Angela Merkel ditën e sotme po zhvillon vizitën e fundit zyrtare në postin e saj. Ajo u prit në Rinas nga ministrja e Jashtme Olta Xhaçka për të pasuar më pas pritjen protokollare nga kryeministri Edi Rama.

Ajo që ra në sy ishte fakti se Merkel dhe Rama qëndruan të ulur në karrige në momentin e himnit. Gazetarja e ABC Esiona Konomi mëson se për arsye shëndetësore ajo kishte kërkuar një karrige për të nderuar këtë moment pasi nuk mund të qëndronte gjatë në këmbë.

Për të qenë në sinkron me lëvizjet e kancelares, edhe kryeministri Edi Rama është bashkuar me të duke u ulur në karrige deri në përfundim të ceremonisë.

Më pas të dy liderët kanë zhvilluar një takim për të paktën 30 minuta kokë më kokë. Ndërkohë tashmë po zhvillohet takimi mes dy ekipeve.

Pas kësaj, Merkel do të takohet në Rinas, në Tirana Buisnes Center me liderët e Ballkanit Perëndimor. Mësohet se në momentet e fundit është konfirmuar pjesëmarrja e kryeministres së Serbisë Ana Brnabi? e cila është nisur drejt Tiranës për të qenë prezente në takim.



Të ndryshme
Më shumë
Përplasje e fortë mes dy makinave në rrugën Kumanovë-Shën Nikollë, 4 të lënduar (Video)20 korrik 2020
Melinda provokon: Shiko, por mos prek10 gusht 2021
Ia ndaloi ta shoh vajzën për një kohë të gjatë, këngëtarja kosovare fiton gjyqin ndaj ish të dashurit 2 korrik 2021