Nga Vendi
14 shtator 2021
Mehmedoviq propozon që spitalet modulare të mbyllen përkohësisht

Mjeku Zllate Mehmedoviq, në një intervistë për TV24 ka folur në lidhje me gjendjen e spitaleve modulare në Maqedoni, pas tragjedisë së javës së kaluar në Tetovë.

Mehmedoviq tha se spitalet modulare janë kapacitet mjaft i rëndësishëm për menaxhimin e pacientëve me COVID-19, por shtoi se do të jetë e vështirë që tani të binden qytetarët dhe të vendosen në ato spitale.

“Mënyra siç zbatohet hetimi jep shpresë. Më mirë dhe më sigurt është që këta spitale të mbyllen përkohësisht, derisa të vërtetohet se janë të sigurta dhe të kthehen në përdorim. Nuk duhet të kërkojmë qasje tjetër, nuk ka mënyrë tjetër që një vend me mjete të kufizuara financiare të sigurojë kapacitete të mjaftueshme për menaxhimin e pandemisë”, tha Mehmedovi.

Ndryshe, pas tragjedisë në Tetovë, Qeveria e Maqedonisë ka kërkuar ndihmë nga ekspertë ndërkombëtar për të zbardhur shkaqet e vërteta të zjarrit në spitalin modular, nga i cili humbën jetën 14 persona.

/Telegrafi/



Të ndryshme
Më shumë
Lajçak për bisedimet Kosovë-Serbi: Ka disa çështje urgjente për t’u diskutuar 7 shtator 2021
Kjo ishte puna që bënte në të kaluarën konkurrentja e ‘Për’puthen’ që mori gjithë vëmendjen këtë sezon24 shtator 2021
Instagram vs realitet: Megi Pojani dëshpëron me ‘linjat e saj’ nga ato që i poston në foto22 qershor 2021