Sport
27 korrik 2020
Liga e Kampionëve: Barcelona me vetëm një qendërmbrojtës kundër Napolit

 

Barcelona do të përballet me mungesa të theksuara në mbrojtje në takimin kthyes kundër Napolit në 1/8 së finales në Ligën e Kampionëve.

Barcelona e pret Napolin në Camp Nou më 8 gusht, për ndeshjen e kthimit në rundin e 16 më të mirëve, me takimin e parë në Itali që u mbyll baras 1:1

Por para këtij takimi, Barça mori lajme të këqija të dielën, jo vetëm sepse ekipi i vet B e humbi ndeshjen e play-offit kundër Sabadell, por edhe për shkak të lëndimit të Ronald Araujo.

Qendërmbrojtësi uruguaian ka luajtur për ekipin e parë kah fundi i këtij sezoni, por u lejua të marrë pjesën në ndeshjen e ekipit B për promovim në Segunda Division dhe fatkeqësisht për të pësoi lëndim në nyjën e këmbës së djathtë.

Edhe pse ende nuk i ka kryer testet për ta mësuar shkallën e dëmtimit, 21-vjeçari është në dyshim për ndeshjen e 8 gushtit kundër Napolit.

Kjo do të paraqesë problem për trajnerin Quique Setien, pasi qendërmbrojtësit tjetër, Samuel Umtiti dhe Clement Lenglet janë të lënduar, po ashtu, dhe pritet të mungojnë.

Kjo bën që Gerard Pique të jetë qendërmbrojtësi i vetëm 100% i gatshëm për të luajtur.

Ndërkohë, Arturo Vidal dhe Sergio Busquets janë të suspenduar. 



Të ndryshme
Më shumë
Lëvizja Besa shpalosi disa propozime në lidhje me funksionimin e tryezës së partive parlamentare shqiptare12 gusht 2020
Ekspertët: Idetë e BDI-së, premtime parazgjedhore 6 korrik 2020
Zaevi parashikon që BDl do të ketë 13 deputetë30 qershor 2020